ہارون آباد (عوامی پریس کلب) ہارون آباد اسسٹنٹ کمشنر چودھری محمد طیب کا سستا رمضان بازار کا دورہ ، تمام تر انتظامات ، اشیاء خوردونوش ، سبزیاں و پھل اور مشروبات کی قیمتوں کا جائزہ لیا ۔
تفصیلات کے مطابق اسسٹنٹ کمشنر چودھری محمد طیب نے ہارون آباد کے جیل روڈ پر قائم سستا رمضان بازار کا دورہ کیا اور انتظامات کا جائزہ لیا ، انہوں نے رمضان بازار میں قائم اسٹالز پر اشیاء خوردونوش ، سبزیاں و پھل اور مشروبات کی قیمتوں کا جائزہ بھی لیا ۔
اس موقع پر انہوں نے کہا کہ بازار میں آٹا ، چینی اور دیگر اشیائے ضروریہ وافر مقدار میں موجود ہیں اور بڑی تعداد میں شہری رمضان بازار سے اشیاء ضروریہ خرید رہے ہیں ، کورونا ایس او پیز پر عمل درآمد کو یقینی بنایا جا رہا ہے ، بازار میں آنے والے شہریوں کو کورونا ایس او پیز پر سختی سے عملدرآمد کروایا جا رہا ہے ۔