ہارون آباد( تحصیل رپورٹر)ہارون آباد علاقہ کے معروف عالم دین حضرت مولانا غلام ربانی فاضل دارالعلوم دیو بند انڈیا 100سال کی عمر میں رحلت فرما گئے ، مرحوم برصغیر کے معروف عالم دین حضرت مولانا حسین احمد مدنی کے خاص شاگردوں میں سے تھے ، حضرت مولانا غلام ربانی کی نماز جنازہ بعداز نماز عشاء گاءوں 124سکس آر فقیروالی کی جنازہ گاہ میں ادا کی گئی ، نماز جنازہ اُن کے صاحبزادے مولانا حبیب الرحمن نے پڑھائی ،
نماز جنازہ میں مفتی مظہر اسعدی جنرل سیکرٹری جمعیت علمائے اسلام (ف) بہاولپور ، مفتی محمد نعیم ، مولوی محمد اویس ، مولوی معظم علی ، حکیم عبدالمنان ، ملک خالد جمیل ، ملک عامر چوہان سمیت دیگر علمائے کرام ، حفاظ کرام ، تبلیغی رہنماءوں اور مختلف شعبہ ہائے زندگی سے تعلق رکھنے والے سینکڑوں افراد نے شرکت کی ، نماز جنازہ کے بعد حضرت مولانا غلام ربانی کو مقامی قبرستان میں سپر د خاک کردیا گیا ۔