ہارون آباد( عوامی پریس کلب )ہارون آباد کے اسسٹنٹ کمشنر چودھری محمد طیب نے علی الصبح سبزی منڈی کا دورہ کیا ۔ انہوں نے منڈی میں سبزیوں اور پھلوں کی نیلامی کے عمل کا جائزہ لیا اور اپنی نگرانی میں اشیا ئے خور و نوش کی قیمتوں کا تعین کر کے ریٹ لسٹ جاری کروائی ۔
اسسٹنٹ کمشنر چودھری محمد طیب نے سبزی منڈی کی انتظامیہ کو ہدایت کی کہ وہ ریٹ لسٹ کے اجرا ء کے فوری بعد دکانداروں تک پہنچائی جائے اورریٹ لسٹ کے مطابق اشیاء کی فروخت کو ہر صورت یقینی بنایا جائے اور کورونا ایس او پیز پر مکمل عمل درآمد کیا جائے ، انہوں نے مزید کہا کہ مصنوعی گراں فروشی اور ذخیرہ اندوزی پر کارروائی ہوگی ۔ ماہ رمضان میں عوام کو بھرپور ریلیف کی فراہمی کے حوالہ سے کوئی کسر اٹھا نہ رکھی جائیگی ۔
